Токио-2020 зуны XXXII олимпийн наадам нэг жилээр хойшилж байгааг Япон улсын Ерөнхий сайд Шинзо Абэ болон Олон улсын олимпийн хороо/ОУОХ/-ны ерөнхийлөгч Томас Бах нар өнөөдөр/2020.03.24/ баталлаа.

Япон улсын Ерөнхий сайд Шинзо Абэ ОУОХ-ны ерөнхийлөгч Томас Бахт санал тавин зөвшөөрч ийнхүү Токио-2020 олимп 2021 оны зун зохион байгуулагдахаар болж байна. Олимпийн наадам хэзээ ч энхийн цагт хойшлогдож байгаагүй юм. Харин 1916, 1940, 1944 зэрэг дайны олон жилүүдэд цуцлагдаж байсан юм. Энэ сарын 17-нд Японы олимпийн сайд Сэйко Хашимото мэдэгдэхдээ олимпийн наадам хугацааныхаа дагуу, үзэгчидтэй зохион байгуулагдана хэмээгээд байсан ажээ.