Боксын насанд хүрэгчдийн эмэгтэйчүүдийн ДАШТ Туркийн Истанбул хотод үргэлжилж байна. Тус тэмцээнд Монгол Улсаас дасгалжуулагч Б.Пүрэв-Очир, Т.Чулуунтөмөр, С.Баттулга нарын удирдлага дор 10 тамирчин оролцож байгаа билээ.
Эмэгтэйчүүдийн 60 кг-д хүч сорьсон Ганзоригийн Бадмаараг өчигдөр Токиогийн олимпын мөнгөн медальт, дэлхийн аварга, Пан-Америкийн аварга Бразилын тамирчин Б.Феррейратай тулалдлаа.
Эл тоглолтод Б.Феррейра ялснаар Г.Бадмаараг тэмцээнээ дуусгалаа.