Ази, Номхон далайн орнуудын туялзуур сэлэмний тамирчдын дунд зохиогдсон “Токио-2020” олимпын наадамд оролцох эрхийн төлөөх тэмцээн энэ сарын 25-26-нд Узбекистан улсын Ташкент хотноо боллоо. Тус тэмцээнд Монгол Улсаас спортын мастер Б.Амарзаяа өрсөлдсөн.

Тодруулбал, тэрбээр хасагдах шатанд Филиппин улсын тамирчныг 15:3-ийн харьцаатай ялснаар шигшээ наймд шалгарч, Вьетнам улсын тамирчныг 15:14-ийн харьцаатай ялж шигшээ дөрөвт шалгарч медалийн болзол хангасан юм.

Ийнхүү Монгол Улсын хоёр удаагийн аварга, спортын мастер Б.Амарзаяа Ази, Номхон далайн орнуудын олимпын эрх олгох туялзуур сэлэмний аварга шалгаруулах тэмцээнээс хүрэл медаль хүртлээ.