Гамшгийн эрсдэлийг бууруулах Нийслэлийн зөвлөлийн ээлжит хуралдаан болж, 2023 онд Гамшгийн эрсдэлийг бууруулах Сендай үйл ажиллагааны хүрээг Монгол Улсад хэрэгжүүлэх дунд хугацааны стратеги, Гамшгийн эрсдэлийг олон нийтийн оролцоотой бууруулах үндэсний хөтөлбөр, Гамшгийн эрсдэлийг бууруулах Үндэсний зөвлөлийн зөвлөмжийг үндэслэн 48 арга хэмжээг хэрэгжүүлэхээр баталлаа.

Энэ үеэр Гамшгийн эрсдэлийг бууруулах Нийслэлийн зөвлөлийн дарга Ж.Батбаясгалан НОБГ-ын дарга, хурандаа А.Дашнямд нийслэлийн газар хөдлөлтийн нөхцөл байдлын талаар, нийслэлийн Хот байгуулалт хөгжлийн газрын дарга Ц.Тулгад барилга байгууламжийн паспортжуулалтын сүүлийн дөрвөн жилийн мэдээлэл, цаашид авах арга хэмжээний талаар танилцуулгыг дараагийн хуралдаанд танилцуулах үүрэг чиглэл өгсөн юм.

Мөн гамшгийн эрсдэлийг бууруулах дүүргийн зөвлөлийн дарга нарт есөн чиглэлээр үйл ажиллагаагаа эрчимжүүлэн ажиллах зөвлөмжийг хүргүүллээ гэж нийслэлийн Онцгой байдлын газраас мэдээллээ