Дүүргийн хэмжээнд өдөрт 3000 хүнийг дархлаажуулалтад хамруулж байна 

Монгол Улсын Ерөнхий сайд Л.Оюун-Эрдэнэ, Шадар сайд С.Амарсайхан, Эрүүл мэндийн сайд С.Энхболд, Нийслэлийн эрүүл мэндийн газрын дарга Б.Бямбадорж нар Сонгинохайрхан дүүргийн Спорт хороон дээр байрлах дархлаажуулалтын цэгийн үйл ажиллагаатай өнөөдөр /2021.04.03/ танилцлаа.

Нийслэлийн хэмжээнд хоёрдугаар сарын 23-ны өдөр “Covid-19” халдварын эсрэг дархлаажуулалтыг хийж эхэлсэн. Өнөөдрийн байдлаар 336758 хүн вакцины эхний тунг хийлгэсэн байна.

Өнөөдрөөс эхэлсэн хэсэгчилсэн хөл хорионы үед иргэдийг дархлаажуулалтын вакцинд идэвхтэй хамруулж, зургадугаар сарын 1 гэхэд хотын хүн амыг вакцинд бүрэн хамруулна гэдгийг Монгол Улсын Ерөнхий сайд Л.Оюун-Эрдэнэ онцлон хэллээ.

Тиймээс Сонгинохайрхан дүүргийн хувьд “Сovid-19” халдварын эсрэг вакцинд иргэдийг шуурхай хамруулахын тулд маргаашаас дархлаажуулалтын цэгийн тоог нэмэгдүүлэхээр боллоо.
Өнөөдрийн байдлаар байнгын 7 цэг дээр нэг өдөрт 3000 хүнийг дархлаажуулалтад хамруулж байна. Засгийн газар дөрөвдүгээр сард насанд хүрсэн 1 сая иргэнийг коронавирусийн эсрэг дархлаажуулалтад хамруулахаар ажиллаж байна. 


Нийтэлсэн: JIM.MN
Анхааруулга: Уншигчдын бичсэн сэтгэгдэлд JIM.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү