БНСУ-аас иргэдээ авч ирж байгаа тусгай үүргийн онгоц 17.00 цагт газардана гэж ГХЯ-ны Консулын газрын дарга Л.Мөнхтүшиг мэдээлж байсан ч цаг нь хойшлогджээ. Тодруулбал, Сөүл-Улаанбаатар чиглэлийн тусгай үүргийн онгоц 20.22 цагт Буянт-Ухаад газардахаар болсон байна. Тус онгоцоор нийт 251 зорчигч ирж байгаа бөгөөд үүнээс 17 жирэмсэн эмэгтэй, 0-16 насны 21 хүүхэд, өндөр настай 56 хүн байгаа аж.
Нислэгт ХӨСҮТ-ийн эмч, Мэргэжлийн хяналтын улсын байцаагч нар хамт явж байна.
Ирсэн зорчигчид болон нисэх багийнхныг Улсын Онцгой комиссоос гаргасан шийдвэрийн дагуу 21 хоног тусгаарлах юм.