Завхан аймагт өчигдөр нэг тохиолдол бүртгэгдэж тусгаарлагджээ. Тухайн иргэн хоёрдугаар сарын 6-12-ны хооронд Гашуунсухайт боомтоор БНХАУ руу зорчоод ирсэн бөгөөд халуурсан, хатгалгааны шинж тэмдэгтэй байсан учраас тусгаарласан байна. Түүнтэй хамт автобусанд явсан 40 хүнийг хамгаалалтад авсан байна.
Мөн ХӨСҮТ-д нэг иргэнийг өчигдөр тусгаарласан аж. Тэрбээр Хятадын Тянжинь хотод сурдаг оюутан байсан ба хоёрдугаар сарын 13-нд Бээжин-Улаанбаатар чиглэлийн нисэх онгоцоор ирсэн юм байна.